مقال1: جهاز البصمه بديل (موظف +دفترحضور وانصراف )
بتسالنى يعنى ايه دفتر حضور وانصراف وليه عايزنا نلغيه اقولك انا كان المعتاد دايما فى الحضور والانصراف استخدام الدفتر عارف انت عم خلف اللي دايما كان بيقى مستنيك وانت داخل الشركه يقولك امضى هنا يااستاذ والساعه دلوقتى 8و10 دقايق تقوله لا وخمسه امضى يااستاذ وخلى اللى بعدك يجى وتفضل واقف وده يجادل وده يقوله ساعتك كام وانا اتاخرت امضيلى ياصلاح وابقى حصلنى والست سعاد طبعا قاعده فى بيتها او بتجيب حاجه وجايه على الشركه هى جايه ماتقلقوش بس ياريت صاحبتها منى تمضيلها فى الدفتر وكلها بتعدى وماتقلقيش يامنى هخدمك انشاا الله فى يومك و المزوغاتى دايما اللى مابيجيش اصلا او للحق الحاضر الغائب يعنى فص ملح وذاب تلاقيه مربط ومظبط وكلها بالحب تعدى وحضوره تمام اخر الشهر هو ده الدفتر الخاص بالحضور والانصراف
صاحب العمل .......المغلوب على امره ده
قرر يقوم بثوره ويطالب فيها بحقوقه ماهو ليه حقوق طبعا نفسه الناس تحضر وهو هيعرف يشغلهم كنا لازم نساعده ابتدينا نعمله جهاز الموظف يبصم عليه بالكارت قالك الناس بتدى كروتها لبعض قولنا خلاص جهازبالبصمه قالك الناس صابعها فيه مشكله قولنا خلاص هو الوجه قالك فى منقبات طبعا تعبنا شويه بس فى الاخر كنا لازم نريحه ونحطله كل الخواص دى فى جهاز واحد جهاز بالبصمه والكارت والوجه علشان راحه تهمنا
وابتدينا نبدع بقى ونطور ونحدث فى امكانيات كل جهاز عن الاخر طبعا الموضوع ماكنتش سهل كده
تابعنا والحكايه لسه ماخلصتش مانت لازم تعرف احنا وصلنا لايه فى اخر التحديثات للاجهزه الحضور والانصراف
ليست هناك تعليقات:
إرسال تعليق